AVE MARIA

Ave Maria, gràtia plena, Dòminus tècum, benedìcta tu in mulièribus, et benedìctus fructus vèntris tui, Iesus.
Sancta Maria, mater Dei, ora pro nobis peccatòribus, nunc et in hora mortis nòstrae.
Amen

ANGELUS DOMINI

Angelus Dòmini nuntiàvit Marìae, et concèpit de Spìritu Sancto. (Ave Maria...)
Ècce ancìlla Dòmini, fìat mìhi secùndum verbum tùum. (Ave Maria...)
Et Verbum càro factum est, et habitàvit in nobis. (Ave Maria...)
Òra pro nòbis sancta Dèi gènetrix, ut digni efficiàmur promissiònibus Christi.
Orèmus. Gràtiam tuam, quaèsumus Dòmine, mèntibus nostris infùnde, ut qui àngelo nuntiànte Chrìsti fìlii tui incarnatiònem cognòvimus, per passiònem èius et crucem, ad resurrectiònis gloriam perducàmur. Per eùndem Christum Dòminum nostrum.
Amen

SALVE REGINA

Salve, Regina, mater misericòrdiae, vita, dulcèdo et spes nostra, salve. Ad te clamàmus, èxsules fìlii Hèvae, ad te suspiràmus, gemèntes et flèntes in hac lacrimàrum valle. Èia èrgo, advocàta nostra, ìllos tùos misericòrdes oculos ad nos convèrte. Et Iesum, benedìctum fructum ventris tui, nobis post hoc exsìlium ostènde. O clèmens, o pia, o dulcis Virgo Maria.

REGINA CAELI

Regina caèli, laetàre, alleluia
Quìa quem meruìsti portàre, alleluia
Resurrèxit, sìcut dìxit, alleluia
Ora pro nòbis Dèum, alleluia.
Orémus. Deus, qui per resurrectiónem Filii tui Dómini nostri Iesu Christi mundum lætificáre dignátus es, præsta, quǽsumus, ut per eius Genetrícem Virginem Maríam perpétuæ capiámus gáudia vitæ. Per Christum Dóminum nostrum.
Amen.

MAGNIFICAT

Magnìficat ànima mea Dòminum,
et exsultàvit spìritus mèus
in Deo salutàri meo,
quìa respèxit humilitàtem ancìllae suae.
Écce ènim ex hoc beàtam me dìcent omnes generatiònes,
quìa fécit mìhi magna, qui pòtens est,
et sanctum nòmen èius,
et misericòrdia èius a progènies in progènies
timèntibus èum.
Fécit potèntiam in bràchio suo,
dispèrsit supèrbos mènte còrdis sùi;
depòsuit potèntes de sede et exaltàvit hùmiles,
esuriéntes implèvit bònis
et dìvites dimìsit inànes.
Suscépit Israel, pùerum suum,
recordàtus misericòrdiae suae
sicut locùtus est ad patres nostros,
Abraham et sèmini èius in saècula.

LITANIA LAURETANA

Kyrie, elèison - Kyrie elèison
Christe, elèison - Christe elèison
Kyrie, elèison - Kyrie elèison
Christe, àudi nos - Christe, àudi nos
Christe, exàudi nos - Christe, exàudi nos
Pàter de caelis, Deus - miserère nobis
Fìli Redèmptor mundi, Deus - miserère nobis
Spìritus Sàncte, Deus - miserère nobis
Sancta Trìnitas, ùnus Deus - miserère nobis
Sancta Marìa - ora pro nobis
Sancta Dèi Gènetrix - ...
Sancta Vìrgo vìrginum -
Mater Christi -
Mater Ecclesiae -
Mater divìnae gratiae -
Mater purissima -
Mater castissima -
Mater inviolata -
Mater intemerata -
Mater amabilis -
Mater admirabilis -
Mater boni consìlii -
Mater Creatòris -
Mater Salvatòris -
Mater misericòrdiae -
Virgo prudentissima -
Virgo veneranda -
Virgo praedicanda -
Virgo pòtens -
Virgo clèmens -
Virgo fidèlis -
Spèculum iustìtiae -
Sèdes sapiéntiae -
Causa nòstrae laetìtiae -
Vas spirituale -
Vas honorabile -
Vas insìgne devotiònis -
Rosa mystica -
Turris davìdica -
Turris ebùrnea -
Domus àurea -
Foèderis arca -
Iànua caeli -
Stella matutina -
Sàlus infirmòrum -
Refùgium peccatòrum -
Consolatrix afflictòrum -
Auxìlium christianòrum -
Regina angelòrum -
Regina patriarchàrum -
Regina prophetàrum -
Regina apostolòrum -
Regina màrtyrum -
Regina confessòrum -
Regina vìrginum -
Regina sanctòrum òmnium -
Regina sine labe originali concepta -
Regina in caelum assùmpta -
Regina sacratìssimi Rosarii -
Regina familiae -
Regina pacis - ora pro nobis
Àgnus Dei, qui tòllis peccàta mùndi - pàrce nobis, Dòmine
Àgnus Dei, qui tòllis peccàta mùndi - exàudi nos, Dòmine
Àgnus Dei, qui tòllis peccàta mùndi - miserère nobis.

AVE MARIS STELLA

Ave, maris stella,
Dei mater alma,
atque semper virgo,
felix cœli porta.
Sumens illud «Ave»
Gabrielis ore,
funda nos in pace,
mutans Evæ nomen.
Solve vincla reis,
profer lumen cæcis,
mala nostra pelle,
bona cuncta posce.
Monstra te esse matrem,
sumat per te precem
qui pro nobis natus
tulit esse tuus.
Virgo singularis,
inter omnes mitis,
nos culpis solutos
mites fac et castos.
Vitam præsta puram,
iter para tutum,
ut videntes Jesum
semper collætemur.
Sit laus Deo Patri,
summo Christo decus,
Spiritui Sancto
tribus honor unus.
Amen

MEMORARE

Memorare, o piissima Virgo Maria,
 non esse auditum a saeculo
quemquam ad tua currentem praesidia,
tua implorantem auxilia,
tua petentem suffragia esse derelictum.
Ego, tali animatus confidentia,
ad te, Virgo virginum Mater, curro;
ad te venio, coram te gemens, peccator, assisto.
Noli, Mater Verbi, verba mea despicere,
sed audi propitia et exaudi.
Amen.

TOTA PULCHRA

Tota pulchra es Maria
et macula originalis non est in te.
Tu gloria Jerusalem
Tu laetitia Israel
Tu honorificentia populi nostri.
Tu advocata peccatorum
O Maria, o Maria,
Virgo prudentissima,
Mater clementissima
Ora pro nobis Iesum,
Intercede pro nobis ad Dominum Iesum Christum.
 

SUB TUUM PRAESIDIUM

Sub tuum præsídium
confúgimus, sancta Dei Génetrix;
nostras deprecatiónes ne despícias in necessitátibus;
sed a perículis cunctis líbera nos semper,
Virgo gloriósa et benedícta.  
 

Rosarium Mystéria

- Mystéria gaudiosa (in feria secunda et sabbato)
Annuntiátio.
Visitátio.
Natívitas.
Præsentátio.
Invéntio in Tempio.

- Mystéria luminósa (in feria quinta)
Baptísma apud Iordánem.
Autorevelátio apud Cananénse matrimónium.
Regni Dei proclamátio coniúcta cum invitaménto ad conversiónem.
Transfigurátio.
Eucharístiæ Institútio.

- Mystéria dolorósa (in feria tertia et feria sexta)
Agonía in Hortu.
Flagellátio.
Coronátio Spinis.
Baiulátio Crucis.
Crucifíxio et Mors.

- Mystéria gloriósa (in feria quarta et Dorninica)
Resurréctio.
Ascénsio.
Descénsus Spíritus Sancti.
Assúmptio.
Coronátio in Cælo.

- Oratio ad finem Rosarii dicenda
Ora pro nobis, sancta Dei génetrix.
Ut digni efficiámur promissiónibus Christi.
Orémus. Deus, cuius Unigénitus per vitam, mortem et resurrectiónem suam nobis salútis ætérnæ prǽmia comparávit, concéde, quǽsumus: ut hæc mystéria sacratíssimo beátæ Maríæ Virginis Rosário recoléntes, et imitémur quod cóntinent, et quod promíttunt assequámur. Per Christum Dóminum nostrum.
Amen.
 

RESPICE STELLAM

O quisquis te intelligis in huius saeculi profluvio
magis inter procellas et tempestates fluctuare,
quam per terram ambulare
ne avertas oculos a fulgore huius sideris,
si non vis obrui procellis
Si insurgant venti tentationum,
si incurras scopulos tribulationum,
respice stellam, voca Mariam
Si iactaris superbiae undis
si ambitionis, si detractionis, si aemulationis
respice stellam, voca Mariam
Si iracundia, aut avaritia
aut carnis illecebra naviculam concusserint mentis,
respice stellam, voca Mariam
Si criminum immanitate turbatus,
conscientiae foeditate confusus,
iudicii horrore perterritus,
barathro incipias absorberi tristitiae
desperationis abysso
cogita Mariam
In periculis, in angustiis, in rebus dubiis
Mariam cogita, Mariam invoca.
Ipsam sequens non devias,
Ipsam rogans non desperas,
Ipsam cogitans, non erras
Ipsa tenente, non corruis,
Ipsa protegente, non metuis,
Ipsa duce, non fatigaris,
Ipsa propitia, pervenis.
 

ALMA REDEMPTORIS MATER

Alma Redemptóris Mater
quae pérvia coeli porta manes,
stella maris, succúrre cadénti,
súrgere qui curat, pópulo:
tu quæ genuísti, natura miránte,
tuum sanctum Genitórem,
Virgo prius ac postérius,
Gabriélis ab ore
Sumens illud Ave,
peccatórum miserére.
 

FLOS CARMELI

Flos Carmeli, vitis florigera
splendor coeli, Virgo puerpera
singularis. Mater mitis, sed viri nescia
carmelitis esto propitia
stella maris. Radix Iesse, germinans flosculum
hic adesse me tibi servulum
patiaris. Inter spinas quae crescis lilium
serva puras mentes fragilium
tutelaris! Armatura fortis pugnantium
furunt bella tende praesidium
scapularis. Per incerta prudens consilium
per adversa iuge solatium
largiaris. Mater dulcis, Carmeli domina
plebem tuam reple laetitia
qua bearis. Paradisi clavis et ianua
fac nos duci quo, Mater, gloria
coronaris. Amen
 

STABAT MATER DOLOROSA

    Stabat Mater dolorosa
iuxta Crucem lacrimosa,
dum pendebat Filius.
    Cuius animam gementem,
contristatam et dolentem
pertransivit gladius.
    O quam tristis et afflicta
fuit illa benedicta,
mater Unigeniti!
    Quae maerebat et dolebat,
pia Mater, dum videbat
nati poenas inclyti.
    Quis est homo qui non fleret,
matrem Christi si videret
in tanto supplicio?
    Quis non posset contristari
Christi Matrem contemplari
dolentem cum Filio?
    Pro peccatis suae gentis
vidit Iesum in tormentis,
et flagellis subditum.
    Vidit suum dulcem Natum
moriendo desolatum,
dum emisit spiritum.
    Eia, Mater, fons amoris
me sentire vim doloris
fac, ut tecum lugeam.
    Fac, ut ardeat cor meum
in amando Christum Deum
ut sibi complaceam.
    Sancta Mater, istud agas,
crucifixi fige plagas
cordi meo valide.
    Tui Nati vulnerati,
tam dignati pro me pati,
poenas mecum divide.
    Fac me tecum pie flere,
crucifixo condolere,
donec ego vixero.
    Iuxta Crucem tecum stare,
et me tibi sociare
in planctu desidero.
    Virgo virginum praeclara,
mihi iam non sis amara,
fac me tecum plangere.
    Fac, ut portem Christi mortem,
passionis fac consortem,
et plagas recolere.
    Fac me plagis vulnerari,
fac me Cruce inebriari,
et cruore Filii.
    Flammis ne urar succensus,
per te, Virgo, sim defensus
in die iudicii.
    Christe, cum sit hinc exire,
da per Matrem me venire
ad palmam victoriae.
    Quando corpus morietur,
fac, ut animae donetur
paradisi gloria. Amen.